Жаңалықтар

Қазақ

ҚАСІРЕТ ПЕН ТАҒЗЫМ

      Мемлекет басшысы тарихи әділдікті қалпына келтіру жұмыстарын аяқтап, саяси қуғын-сүргін құрбандарын ақтау үшін арнайы мемлекеттік комиссия құруды тапсырған болатын. Осы тапсырма аясында ағымдағы жылдың мамыр айының 30 күні Президентіміз Қасым-Жомарт Тоқаев саяси  қуғын-сүргін және ашаршылық құрбандарын еске алу күніне орай үндеуін жариялады.

КОЛЛЕДЖ СТУДЕНТТЕРІ ҚАШЫҚТЫҚТАН ОҚЫТУДЫ ТИІМДІ ПАЙДАЛАНЫП, САПАЛЫ БІЛІМ АЛУДА

        Қазақстан Республикасы халқының қауіпсіздігін қамтамасыз ету мақсатында елімізде Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты білім алушылардың, қызметкерлер мен педагогтардың өмірі мен денсаулығын қорғау мақсатында биылғы жылдың 16 наурызынан бастап  елімізде төтенше жағдай енгізілген болатын. Төтенше жағдайға байланысты М.Әуезов атындағы  ОҚМУ колледжі  қашықтықтан білім беруге технологиясына көшті.  Білім алушыларға онлайн, оффлайн режімінде сапалы білім беру үшін педагогтарға вебинар жүргізілді. Вебинарда оқу үрдісі барысында «Platonus», «Zoom», College SmartNation»  және басқа да ресурстар арқылы қашықтықтан оқыту технологиясы бойынша оқытушылар мен студенттерге нұсқаулықтар берілді. 

 

Ел ертеңі білімді жастар

       4.03.2020ж. М. Әуезов атындағы ОҚМУ колледжінде қазақтың ұлы ақыны Абай Құнанабайұлының 175 жылдығына орай, студенттер арасында «Ел ертеңі білімді жастар» атты ғылыми-тәжірибелік конференциясы өтті. Конференцияны М.Әуезов атындағы ОҚМУ колледжінің директорының оқу – ісі жөніндегі орынбасары Г.Е. Садуакасова ашып беріп студенттерге сәттілік тіледі. Сондай-ақ, конференцияның модераторы, яғни, конференцияның негізгі мақсаты мен міндеттері, студенттердің ғылыми зерттеу және оқу-танымдық жұмыстарын жандандыру, қазіргі таңдағы ғылыми мәселелерді шешуге қызықтыру, шығармашылық қабілеттерін арттыру, дарынды студенттерді іріктеу және қолдау екенін айтып, іс-шараның өту тәртібімен таныстырып өтті.

«Жаны мейірімге толы адам – бақытты»

М.Әуезов атындағы ОҚМУ колледжінде  «Жаны мейірімге толы адам – бақытты» атты қайырымдылық жәрмеңкесі  ұйымдастырылды. «Парасаттылық мектебі», «Ізгілік елшілері», «Саналы ұрпақ» клуб мүшелерінің ат салысуы арқылы өткен қайырымдылық жәрмеңкесіне жүрегі жомарт оқу орын ұстаздары мен студенттері түгел қатысты. Жәрмеңкеде колледж директоры С.Н.Әлібек: жомарттық – адам бойындағы ең тамаша қасиеттердің бірі екендігін айтып, жас ұрпаққа қайырымдылық жасаудың маңызын түсіндірді.

АБАЙ ӘЛЕМІН ЖАС ҰРПАҚҚА ДӘРІПТЕУ

М.Әуезов атындағы ОҚМУ колледжінде мемлекет басшысының «Абай және ХХІ ғасырдағы Қазақстан» тақырыбында жарияланған мақаласын талқылау жиыны болып өтті. Дөңгелек үстелге колледж директоры Әлібек  Сейдехан Нұрмаханұлы және оқу орын оқытушылары қатысты. Ел Президенті мақаласының мазмұнына ерекше тоқталып, ондағы жоспарларды жүзеге асыру жолдары жайлы сөз қозғалды. Ұлт әдебиетінің негізін қалаушы ұлы ойшылдың даналық сөздерінің қазіргі қоғам мен астасып жатқан байланысы жайлы келелі пікірлер айтылып, тың ойлар талқыланды.

«Ұстаз мерейін өсіруге бағытталған заң»

«Алты алаштың баласы бас қосса, төр мұғалімдікі»

Мағжан Жұмабаев

Ұстазды  сыйлауды  ережесіз-ақ ұғынған ұлы дала халқы  бала болашағы мен тәрбиесінің  бақылаушыларын ежелден  зор құрметке бөлеген. Дүниедегі мамандық атаулының төресі – ұстаз деп бағалаған халықтың болашағы қашан да жарқын екендігін тарихтың өзі дәлелдеді. Мұғалім қолына бала болашағын, ұлт ертеңін сеніп тапсыратын қоғамның педагогті құрметтеу – парызы. Жүрек жылуын, мейірім шуағын, адамгершілік ұлылығын ұрпақ бойына дарытып, әр саланың жүйріктеріне білім беріп, тәрбиелеп келе жатқан ұстаздарды сыйлау  заңдастырылды.  Елімізде «Педагог мәртебесі туралы»  Заңның қабылдануы ұстаздар қауымы үшін қуанышқа толы айтулы жаңалықтардың бірі болды. Қабылданған заңның мазмұны   мұғалім мәртебесін арттырып, өнімді еңбек етуге зор ықпалын тигізетін жаңалықтарға  толы.  

«ҰЛЫ ДАЛАНЫҢ ҰЛЫ ТАРИХЫ»

16 желтоқсан – қазақ елінің асқақ арманы орындалып, жасампаздығы жаңа белеске көтерілген Тәуелсіздік күні.  Аталмыш мерекеге орай  М.Әуезов атындағы ОҚМУ колледжінде  «Ұлы даланың ұлы тарихы» атты мерекелік шара  ұйымдастырылды.  Ел еркіндігі мен азаттығы жолындағы  ұлы тарих тауқыметі мен айтулы  мерекенің маңызын  жас ұрпаққа түсіндіру мақсатында өткен жиынға  колледж директоры, оқу орда оқытушылары мен студенттері қатысты. Салтанатты жиында еліміздің көк туы желбіреп әнұран шырқалды. Шара аясында өз саласының үздік оқытушылары колледж директорының алғыс хатымен марапатталды.  Жиын шымылдығын ашқан колледж  директоры.

ПАРАСАТТЫЛЫҚ МЕКТЕБІ-КЕЛЕШЕК КЕПІЛІ

       ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаменті «Түркістан – адалдық алаңы» жобасының «Парасаттылық мектептерін» ашу бойынша өткізілген мәжілісінің 2019 жылғы 23 қазанындағы №1 хаттамасының негізінде М.Әуезов атындағы ОҚМУ колледжінде «Парасаттылық мектебі» өз жұмысын бастады. Білім алушылар мен оқытушы құрам арасында адалдық, әділдік, парасаттылық, ашықтық қағидаттарын кеңінен насихаттау мақсатында ашылған мектепке жетекші болып  әлеуметтік педагог А.Б.Бейсенбаева және «Ізгілік елшілері» еріктілер клубының құрамы жасақталып, бекітілді.

ТҰҢҒЫШ ПРЕЗИДЕНТ КҮНІ АТАЛЫП ӨТІЛДІ!

      М.Әуезов атындағы ОҚМУ колледжі  және дайындық орталығының ұйымдастыруымен Тұңғыш Президент күнін мерекелеу аясында 29 қараша күні «Қазіргі Қазақстан    Елбасының көшбасшылығының сабақтары» тақырыбында кездесу болып өтті. Жиынға Елбасының курстасы және 4 жыл бірге қызмет жасаған Сапарбаев Ермантай  мен 1958-1960жж Украина Днепродзержинский қаласындағы №8 Техникалық училищеде «Домна пештері»  мамандығы бойынша Елбасымен бірге білім алған Спаев Тельман қатысты. 

Адал ұрпақ - жарқын болашақ

М.Әуезов атындағы Оңтүстік Қазақстан Мемлекеттік Университеттінің колледжінде саналы ұрпақ жобалық кеңсесінде 2019 жылдың 8 қарашасында ерікті клуб мүшелерімен  «Адал ұрпақ - жарқын болашақ» тақырыбында еркін форматта кездесу болып өтті. Директордың тәрбие ісі жөніндегі орынбасарының м.а. М. Е. Исмайлова білім алушыларды  адал болуға, рухани байлығын дамытуға, адамгершілік қасиеттерін оятуға, және де жастарды адалдық қоғамын құруда белсенділікке шақырды.

Беттер